Im Laufe der Jahre haben wir für verschiedene Auftritte einen Haufen Gstanzl geschmiedet. Hier eine kleine Essenz (wird laufend erweitert):
--------------------------------------------------------------------
Lusti san die EU-Beamten
se håm a schens Lebm
tuan an Juchizer drauf,
wånns die Spesen ånhebm
--------------------------------------------------------------------
Koarl Grasser i bitt di
gib uns a poar Nätsch
wäu mir hättn hoet a
a recht a fesche Hompätsch
--------------------------------------------------------------------
Dös Lebm wird ållweil schwerer
då sågt uns die Gehrer:
"Måchts Kinder, werds mehrer!"
- åber nur koane Lehrer!
--------------------------------------------------------------------
"Beagle" has landed
drobm am Mars
und weil er net zruckfunkt
drum is er.....kaputt
--------------------------------------------------------------------
Jeda wüs bessa måcha
im neichn Joahr
åwa nåch oana Wocha
is ålles wias woar
--------------------------------------------------------------------
Griaß eich Gott liabe Leit
im neichn Joahr
und wem`s nu net aufgfålln is
dös ålte is goar
--------------------------------------------------------------------
Weng de Massnvernichtungswåffm
håt der Bush gmåcht an Bahö
und weil er´s net find
iazt nimmt er hålt s´ Öl
--------------------------------------------------------------------
Letztens hått`s ghoaßn
de Welt soll untagehn
weil`s dem Bush net recht is
bleibt`s nu a wenig stehn
---------------------------------------------------------------------
Da Verkehrsminister Gorbach
spoart beim öffentlichen Verkehr
er braucht eam jå net
håt eh sein Chaffeur
---------------------------------------------------------------------
De Rotn werdn iazt umbenånnt
in 'Weiße Partei'
dös is jå koa Wunda
san so vü Foarblose dabei!
---------------------------------------------------------------------
Da Pröll håt in Niedaösterreich
haushoch de Wåhl gschlågn,
stått St. Pölten wird ma båld
St. Pröllten sågn!
---------------------------------------------------------------------
In Graz håt die KPÖ schåfft
die Blauen abzulösen,
drum sågt iazt da Bush
mir ghern zur Achse des Bösen!
---------------------------------------------------------------------
A Bundestierschutzgesetz
is da Blauen ea Gebot,
dös i jo koa Wunda
san jå vum Aussterben bedroht!
---------------------------------------------------------------------
Letztens håt`s ghoaßn
de Welt soll untagehn
åba weils im Bush net recht is
bleibt`s nu a weng stehn!
---------------------------------------------------------------------
Da Bush pfeift aufs Völkerrecht
da Saddam aufn Blix
da Schüssl pfeift auf unsere Pensionen
åba i scheiß ma nix!
---------------------------------------------------------------------
De Iraker werdn ausg`hungert
håm koa Fleisch und koa Müli,
se håm net amoe a Wåssa
åba s` Öl, dös wird bülli!
---------------------------------------------------------------------
Viererzwoanzg Eurofighter
Und in Gaugg sein Lohn,
kosten Millionen von Euro
hat koa Sau wos davon!
---------------------------------------------------------------------
Da Lipp und da Lenz
hom a dreiduttats Mensch
und da Lipp hats ned gwisst,
dass genmanipuliert is
---------------------------------------------------------------------
A Handy is a Handy
und a Handy muaß jeda ham
wei a Handy is vü mehr sexy
als wia a gwehnlichs Telefon
---------------------------------------------------------------------
Da Bischof Kurt Krenn
Der hat Angst vorm Islam.
Ja weil er bei der Religion
Um sei Saubratl kam
---------------------------------------------------------------------
Auf dem Wiener Opernball
tanzt der Kren mit an andern Kardinal.
Dös is ganz normal:
.......Damenwahl!
---------------------------------------------------------------------
An Fingerabdruck im Ausweis
Wü da Westntola ham
Ja weil er ned lesen
Sondern nur Büdl schaun kann
---------------------------------------------------------------------
De Asylpolitik vom Haider
Die wird jetzt ganz scharf
Ois OÖ muas er hoffn
Dass er ois Politischer Flüchtling in Kärnten bleibm doarf
---------------------------------------------------------------------
Jo´s Schneewittchen kau ihr Traurigkeit
Nicht mehr verbergn
Seit da Schüssl Kanzler is
Is alloa mit nur 6 Zwergen
---------------------------------------------------------------------
In Brüssel gems dem Schüssel
net amal an Klotürschlüssel.
Wo scheißt er denn hin?
......er scheißt in Wien
---------------------------------------------------------------------
Da Gusi hat in Broukal
Da Schüssl hätt den Grasser gern.
Wer bleibt fir de Blauen?
´S wird woe da Saddam Hussein werdn.
---------------------------------------------------------------------
An Spitzenkanditat ham de Blauen
an ganz an famosen.
Drum wechseln s` eam so oft
Wia eanare Unterhosen!
---------------------------------------------------------------------
Agenda 2000
wer de nu net kennt
mit der wern unsere Bauern
bürokratisch darennt
---------------------------------------------------------------------
Wer maht dann die Wiesn,
wer fuadat dann s’Vieh
wer melcht’ dann de Piefke
ja dös frag i mi
---------------------------------------------------------------------
De Bürokraten in Brüssel
de brauchan koane Bau´n
weil d’Müch kimmt aus ’n Tetrapack
und ´s Fleisch kann ma auftaun
---------------------------------------------------------------------
Da Schönborn feuert den Schüller
Da Schröder in Lafontaine
Daß da Papst in Kren feuert
is leider nu net geschehn !
---------------------------------------------------------------------
Drunt in Kärnten san in Haider
42 Prozent verliebt
na hoff ma, daß bei uns
net so vü deppate gibt
---------------------------------------------------------------------
Da Haider is Landeshauptmann
und Kanzla wü er werdn
wann dös nu passiert
wird’s zum Auswandern werdn
---------------------------------------------------------------------
Wann der Stier nimma wü
Und da Bau nimma kann
Dann ruaft halt die Bäurin
In Viechdokta an
---------------------------------------------------------------------
De Tanzl san gsunga,
und gjodelt, wia `s ghert
jo gsunga und gspüt
woarn s´ von Martina, Hermann, Hannes und Bert.
